Эрүүл хооллох гэдэг нь олон төрлийн илчлэг сайтай хоол, хүнсний зүйлийг зохистой хэмжээгээр зөв тохируулан хэрэглэх явдал юм. Хоол идэх зуршлаа нэг өдөр өөрчлөх гэж бодсоны хэрэггүй. Аажмаар бага, багаар олон төрлийн хоолыг хэрэглэх дадал зуршилтай болох нь хялбар байдаг.
Хоол хүнсээ тохируулж хэрэглэх ерөнхий дүрэм:
- Өдрийн хоолны ихэнх хэсгийг хүнсний ногоо байхаар тохируулж хооллоорой.
- Тогтмол жимс хэрэглэ. /өдөрт нэг алим идэж, нэг аяга жимсний шүүс уу/
- Буудайн төрөл арвай, хөх тариа, гурвалжин будаа, хивэг, буудайн соёлж идэж байгаарай.
- Татсан өөхгүй хар мах хэрэглээрэй.
- Илчлэг багатай сүү, сүүн бүтээгдэхүүн хэрэглээрэй. /хөөрүүлсэн сүү, тараг, тослог багатай бяслаг/
- Загасыг наад зах нь долоо хоногт нэг удаа хэрэглээрэй.
- Илчлэг ихтэй, чихэрлэг гурилан бүтээгдэхүүн, түргэн хоол, төрөл бүрийн амттан, ундаа, торт, жигнэмэг, шоколад зэрэг хүнсний зүйлээс зайлсхий!
- Амьтны гаралтай тос бага хэрэглэж цөцгийн тосны оронд маргарин, ургамлын тосыг бага хэмжээгээр хэрэглэ.
- Түлэгдтэл нь шарсан, хайрсан хоолны зүйлс хэрэглэхгүй аль болох жигнэж, буцалгаж хэрэглээрэй.
- Өөх, давс, сахарыг бага хэрэглэ.
- Буцалсан ус их уу.
- Хооллохын яг өмнө, хоол идэж байх үед, хоолны араас шууд их хэмжээний шингэн уухгүй байхыг зөвлөдөг.\ Энэ тухай дэлгэрэнгүйг Б.Гэрэлмаа багшийн "Идэхийн тулд амьдрах уу? Амьдрахын тулд идэх үү?" гэдэг номны 95-р хуудаснаас олж уншаарай.
0 comments:
Post a Comment